თბილისი - აზროვნების აკადემიის საკვირაო სკოლა

Showing all 3 results

 

✨ აზროვნების აკადემიის საკვირაო სკოლაში რეგისტრაცია იწყება!

🔰 მონაწილეები ნაწილდებიან ასაკობრივი კატეგორიების მიხედვით:
✔ 5-6 ✔ 7-8  ✔9-10 ✔ 11-12 ✔13-14 ✔15-17

🔰 პროექტი აერთიანებს რამდენიმე ძირითად მიმართულებას: ფსიქოლოგიას, მხატვრულ ლიტერატურასა და ფილოსოფიას. მიმართულებები მორგებულია ასაკობრივი კატეგორიების სპეციფიკას.

📚 📖 მხატვრული ლიტერატურის პროგრამის ფარგლებში მოსწავლეები ეცნობიან ასაკისთვის შესაბამის ლიტერატურას, მსჯელობენ ტექსტებზე და განიხილავენ მათში წამოჭრილ მნიშვნელოვან საკითხებს.

✅ ლიტერატურული თემატიკა და მიდგომები იცვლება ასაკობრივი კატეგორიის მიხედვით. კურსი დატვირთულია ზღაპრებით, იგავებით, მითებით, კლასიკური თუ თანამედროვე მხატვრული ნაწარმოებებით, ასევე ფილოსოფიური ტექსტებითა და საკითხებით უფროს ასაკობრივ კატეგორიაში.

✅ შეხვედრების მიზანია, მოზარდმა შეძლოს ნაწარმოებებში ასახული პრობლემატიკის აღქმა-გააზრება და მათ მიმართ საკუთარი დამოკიდებულების გამოხატვა, მხატვრულ ტექსტთან დამოუკიდებელი, შემოქმედებითი და რეფლექსიური მიდგომა.

💡 ფსიქოლოგიის მიმართულება კომპლექსური კურსია ბავშვებისა და მოზარდებისათვის. ფსიქოლოგთან ერთად ჯგუფი განიხილავს აქტუალურ, მათი ასაკისთვის საინტერესო, განსაკუთრებით პრობლემურ საკითხებს (სირთულეების დაძლევის გზები, ემოციების მართვა, კომპლექსები, ფობიები, კომუნიკაციის პრობლემები, თვითშეფასება, ინტერნეტდამოკიდებულება…)
მეგობრულ, თავისუფალ გარემოში თანატოლები ერთმანეთს აზრებსა და გამოცდილებას უზიარებენ.

📚 ფილოსოფიის კურსი მოზარდებისათვის ორიენტირებულია ანალიტიკური და შემოქმედებითი აზროვნების ჩამოყალიბება-განვითარებაზე. კურსის ფარგლებში მოსწავლეები გაეცნობიან სხვადასხვა ფილოსოფოსთა ნააზრევს, მხატვრულ ტექსტებს, გაეცნობიან ფილმებს. იმსჯელებენ წამოჭრილ ფუნდამენტურ საკითხებზე, რაც მათ ზოგად განათლებასა და მსოფლმხედველობას მნიშვნელოვნად გააფართოვებს.

🔹 პროგრამის ნაწილია ყოველთვიური სალექციო შეხვედრები მონაწილეთა მშობლებისათვის.  ბავშვის აღზრდის, შესაბამისი ასაკობრივი ფსიქოლოგიური თავისებურებების შესახებ აზროვნების აკადემიის ფსიქოლოგებთან.

🔰 აზროვნების აკადემია არის ადგილი, სადაც მოსწავლეთათვის ცოდნის და გამოცდილების შეძენა მოსაწყენი და მომაბეზრებელი პროცესის ნაცვლად სახალისო და საინტერესოა. ეს არის სივრცე აზრთა გაცვლა-გამოცვლის, გამოცდილების გაზიარებისა და ინტერაქციისათვის.

📅 შეხვედრები გაიმართება კვირაში ერთხელ
⏳ შეხვედრის ხანგრძლივობა – 1სთ და 45 წთ (5-6, 7-8 ასაკისათვის, 1 საათი და 30 წუთი).
🔖 კურსის საფასური – თვე (4 შეხვედრა) – 160 ლარი.

🔖 სრული კურსის საფასური ერთიანად გადახდის შემთხვევაში – 1190 ლარი.

🔖 მოქმედებს საქართველოს ბანკის ერთწლიანი 0%-იანი განვადება
🔖 დედმამიშვილების მონაწილეობის შემთხვევაში მოქმედებს 10%-იანი ფასდაკლება.

📌 მისამართი: თ. იოსებიძის 57, ი. გამრეკელის 41, პ.ქავთარაძის 44, ვ. ბარნოვის 92
☎ დამატებითი ინფორმაციისთვის დაგვიკავშირდით: 0322 15 15 40
რეგისტრაცია