თბილისი - აზროვნების აკადემიის საკვირაო სკოლა

Showing all 3 results

✨ აზროვნების აკადემიის საკვირაო სკოლაში რეგისტრაცია იწყება !

🔰 მონაწილეები ნაწილდებიან ასაკობრივი კატეგორიების მიხედვით:
✔ 5-6 ✔ 7-8 ✔9-10 ✔ 11-12 ✔13-14 ✔15-17

🔰 პროექტი აერთიანებს რამდენიმე ძირითად მიმართულებას: ფსიქოლოგიას, მხატვრულ ლიტერატურას, არტ-პედაგოგიკას, ფილოსოფიას და ანალიტიკურ აზროვნებას. მიმართულებები მორგებულია ასაკობრივი კატეგორიების სპეციფიკას.

📚 📖 მხატვრული ლიტერატურის პროგრამის ფარგლებში ბავშვები ეცნობიან ასაკისთვის შესაბამის ლიტერატურას, მსჯელობენ ტექსტებზე და იხილავენ მათში წამოჭრილ მნიშვნელოვან საკითხებს.

✅ პროგრამები თემატიკისა და მიდგომების თვალსაზრისით იცვლება ასაკობრივი კატეგორიის მიხედვით. კურსი დატვირთული იქნება ზღაპრებით, იგავებით, მითებით (შესაბამის ასაკში), კლასიკური თუ თანამედროვე მხატვრული ნაწარმოებებით, ასევე ფილოსოფიური ტექსტებითა და საკითხებით უფროს ასაკობრივ კატეგორიაში.

✅ შეხვედრების მიზანია, მოზარდმა შეძლოს ნაწარმოებებში ასახული პრობლემატიკის აღქმა-გააზრება და მათ მიმართ საკუთარი დამოკიდებულების გამოხატვა, მხატვრულ ტექსტთან დამოუკიდებელი, შემოქმედებითი და რეფლექსიური მიდგომა,
მოზარდის წიგნთან დაახლოება, ტექსტებთან საინტერესო, სახალისო, სიღრმისეული მიდგომის ჩამოყალიბება.

📚 ლიტერატურის მიმართულებით შეხვედრებს უძღვებიან: მწერალი, კინოსცენარისტი გურამ მეგრელიშვილი, ლიტერატურათმცოდნეები მარიტა კაპანაძე და ლიკა ჩხაიძე.

💡 ფსიქოლოგიის მიმართულება კომპლექსური კურსია მოზარდებისათვის, ფსიქოლოგთან ერთად ჯგუფი განიხილავს აქტუალურ, მათი ასაკისთვის საინტერესო, განსაკუთრებით პრობლემურ საკითხს (სირთულეების დაძლევის გზები, ემოციების მართვა, კომპლექსები, ფობიები, კომუნიკაციის პრობლემები, თვითშეფასება, ინტერნეტ დამოკიდებულება…)
მეგობრულ, თავისუფალ გარემოში თანატოლები ერთმანეთს აზრებსა და გამოცდილებას უზიარებენ.

✅ ფსიქოლოგიის შეხვედრებს უძღვებიან: ფსიქოლოგები მარინა კაჭარავა, ნინო ბუაძე, ნინი ელბაქიძე, ლელი ყიფიანი, ელენე მაღრაძე.

💡 არტ-პედაგოგიკის მიმართულება ითვალისწინებს ბუნებისმეტყველებისა და ხელოვნების საკითხების ბავშვისათვის გასაგები, მარტივად აღსაქმელი მეთოდებით მიწოდებას, თამაშით სწავლებას.

🔰 არტ-პედაგოგიკის შეხვედრებს უძღვება პედაგოგი ია ჩიკვაიძე.

📚 ფილოსოფიის და ანალიტიკური აზროვნების კურსი მოზარდებისათვის ორიენტირებულია ანალიტიკური და შემოქმედებითი აზროვნების ჩამოყალიბება-განვითარებაზე.
ლოგიკური აზროვნებისა და საკუთარი აზრის სწორად არგუმენტაციის უნარი.
კურსის ფარგლებში მოსწავლეები გაეცნობიან სხვადასხვა ფილოსოფოსთა ნააზრევს, მხატვრულ ტექსტებს, გაეცნობიან ფილმებს. იმსჯელებენ წამოჭრილ ფუნდამენტურ საკითხებზე, რაც მათ ზოგად განათლებასა და მსოფლმხედველობას მნიშვნელოვნად გააფართოვებს.

🔰 ფილოსოფიის შეხვედრებს უძღვება ფილოსოფოსი დაჩი ფაჩულია.
🔰 ანალიტიკური აზროვნების მიმართულებას უძღვება კომუნიკაციების სპეციალისტი არჩილ გამზარდია.

🔰 აზროვნების აკადემია არის ადგილი, სადაც მოსწავლეთათვის ცოდნის და გამოცდილების შეძენა მოსაწყენი და მომაბეზრებელი პროცესის ნაცვლად სახალისო და საინტერესოა. ეს არის სივრცე აზრთა გაცვლა-გამოცვლის, გამოცდილების გაზიარებისა და ინტერაქციისათვის.

📅 შეხვედრები გაიმართება კვირაში ერთხელ შაბათს ან კვირას:

⏳შეხვედრის ხანგრძლივობა – 1სთ და 50 წთ (5-6, 7-8 ასაკისათვის 1 საათი და 30 წუთი).
⏳სრული კურსის ხანგრძლივობა – 9 თვე და 2 კვირა.

🔖 კურსის საფასური – თვე (4 შეხვედრა) – 145 ლარი.
🔖 წლიური საფასურის გადახდის შემთხვევაში (38 შეხვედრა) – 985 ლ.
🔖 მოქმედებს საქართველოს ბანკის ერთწლიანი 0%-იანი განვადება

🔖 დედმამიშვილების მონაწილეობის შემთხვევაში მოქმედებს 10%-იანი ფასდაკლება.

📌 მისამართი: იოსებიძის 57; ბარნოვის 92

☎ დამატებითი ინფორმაციისთვის დაგვიკავშირდით: 🔸 598 133 331

რეგისტრაცია